Zapoteco de Yalálag


Ejemplo del idioma (An example of this language)
San Juan 2:1–11 (John 2:1–11)

Escuche el texto (Listen to the text):  Haga clic aquí (Click here).

Bayónn lla go't to yel wachayna'a yell gan' nzi'i Caná gan' nbane Galilea. Na' xhna' Jesúsen' byeje' gan' gok yel wachayna'n. Na' leska' goxh ake' Jesúsen', na' ren be'nn ka' non Le'en txhen na'. Na't babillkze xis uvan' lle'j ake' gan' llak lnnin', na'll xhna' Jesúsen' golle' Le'e:

—Billbi xis uva ke be'nn ka' de.

Na'll lle Jesúsen' le'e:

—¿Bixchen ne'o ka'? Rencha' bi nna llin lla wroe'rawa'n.

Na'll lle xhne'en be'nn ka' dá llwia bi da yallj rao lnni na':

—Legón kon bin' ne'e na'.

Na' zjazó xop ye's de yej, ga llga'a ake' nis da llonrén be'nn Israel ka' llin da llayib kwin ake' kon kan' llia le' ley na'. Na' toto ye's ka' lloll aken do chop chonn lle' nis. Na'll goll Jesúsen' be'nn ka' dá llwia bi da yallj rao lnni na':

—Leyeslla'a nis lo ye's ka'.

Na'll bda'a ake'n nis balla'a akten. Na'll lle'e leake':

—Lega'ch ra'ten', na' lewe'n be'nnen' nak rallna'a lnni na'.

Na'll ben ake' kan' bne'e na'. Na' be'nnen' nak rallna'a lnnin' kon bnixe'n, na' bi nnezre' ga za'n, kon be'nn ka' dá llwia bi da ka' yallj rao lnni na'ze, nnez akre' nisen' bayak xis uvan', le leake'n go'ch ake' nisen'. Na' be'nnen' bnix len na', goxhe' be'nn byion' llchayna'n, na'll lle'e le'e:

—Yeololte be'nn ka' llon lnnin', llde ake' xis uva cha'on ka zorao lnni na', na' kat ba we'j ake' da xhen, na'll zorao ake' llde ake' xis uva da bi naktek wen na'. Na't rwe' nza'yo' xis uva cha'on, llde'on nna'll ba llayoll lnnin'.

Ka'n ben Jesúsen' yell Canán' gan' nbane Galilean', goken yel wak nell dan' bene' nench broe're' nake' be'nn za'k xhen, na' benlira'll be'nn ka' non Le'e txhen na' Le'e.


Escuche el evangelio de San Juan en formato de mp3 (Listen to the gospel of John in mp3).

Los capítulos (Chapters):
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21]


Lea el evangelio de San Juan en formato de PDF (Read the gospel of John in PDF).



PARA EL PRECIO DEL NUEVO TESTAMENTO, LLAME NUESTRAS OFICINAS.



Haga clic aquí para ver el Nuevo Testamento en el Zapoteco de Yalálag en swordweb.wbt.org. (Go to the published Yalálag Zapotec New Testament link on the swordweb.wbt.org website.)